தயவு செய்து ஓட்டு போடாதிங்க !!

என்னடா எல்லாரும் , எல்லா ஊடகமும் மறக்காம நாளை ஓட்டு போடுங்கனு கத்திக்கிட்டு இருக்கு நீ ஓட்டு போடாதிங்கனு சொல்ற என்ன ஆச்சு உனக்குன்னு பார்கின்றிர்களா ? மேலே படியுங்கள் ..

தயவு செய்து ஓட்டு போடாதிங்க !!

•  நம்ம சாதி , மதத்தை சார்த்தவர்னு சொல்லி யாருக்கும் தயவு செய்து ஓட்டு போடாதிங்க !!

 

• கட்சிமேல் பாசம் இருக்கட்டும் , அதுக்காக அந்த கட்சி எவ்வளவு ஊழல் செய்தாலும் பரவாயில்லை அவனுக்கு தான் என் ஓட்டு என எண்ணி தயவு செய்து ஓட்டு போடாதிங்க !!

 

• கடவுள் இருக்குனு சொல்றவனை நம்பலாம் , இல்லைன்னு சொல்றவனையும் நம்பலாம் , அதுபோல தான் மதமும் . இந்த மதசார்பின்மையை பேசி ஒரு குறிபிட்ட மதத்திற்கு ஜால்ரா அடிக்கும் கட்சிக்கு தயவு செய்து ஓட்டு போடாதிங்க !!

 

• எவ்வளவு பணம் கொடுத்தாலும் வாங்கிகொள்ளுங்கள் ஆனா அவர்களுக்கு தயவு செய்து ஓட்டு போடாதிங்க !!

 

• முன்பே உங்கள் தொகுதில் வெற்றிபெற்றவராக இருந்தால் அவர் செய்த நன்மைகளை எண்ணிப்பாருங்கள் , அப்படி ஒண்ணுமே செய்யலைனா அவருக்கு தயவு செய்து ஓட்டு போடாதிங்க !!

 

• தன் சாதனைகளை சொல்லி ஓட்டு கேட்காமல் அடுத்தவரை குறைசொல்லியே ஒட்டுகேட்கும் , கேட்ட கட்சிகளுக்கு தயவு செய்து ஓட்டு போடாதிங்க !!

 

• நமக்கு பிடிக்காத முடிவு என்றாலும் அதில் உறுதியா உள்ள கட்சியை நம்புங்கள் , ஆனா டெல்லியில் ஒரு முடிவு , இங்கே வந்தா பல்டி என இருக்கும் கட்சிகளுக்கு தயவு செய்து ஓட்டு போடாதிங்க !!

 

• நமது தொகுதியில் நிற்பவர் யாரும் சரியில்லை என எண்ணி நோட்டாவுக்கு தயவு செய்து ஓட்டு போடாதிங்க !!

 

• நோட்டாவுக்கு பதில் சுயேட்சைக்கு போடுங்கள் , இரண்டுமே வீணாகத்தான் போகும் , ஆனால் சரியில்லாத வேட்பாளர்க்கும் மட்டும் தயவு செய்து ஓட்டு போடாதிங்க !!

 

நமது ஓட்டை நல்லவர்களுக்கு போட்டு நாட்டை நல்வழி படுத்துவோம் . மறக்காமல் ஓட்டு போடுங்கள் .

விஜயகாந்த் மேல் என்ன தப்பு ?

தே . மு .தி .க தலைவர் விஜயகாந்தை நக்கல் செய்யாத பத்திரிக்கைகளே இல்லை . பத்திரிகைகள் மட்டும் இன்றி கட்சிகள் பலவும் கிண்டல் செய்கிறது . இது சரியா ? தவறா ? என அலசலாம் வாங்க .

 கட்சிகள் :


முன்பு :

சென்ற தேர்தலில் தனியாக நின்றால் ஜெய்போமா இல்லையோ என்ற பீதியை விட விஜயகாந்த் தி.மு.க பக்கம் போனால் நாம் ஜெய்க்க வாய்ப்பு குறைவு என உணர்ந்ததால்தான் ஜெயா அவரை தன பக்கம் அழைத்துகொண்டார் .

அவர் அந்த பக்கம் இணைந்ததால் விஜயகாந்தை அவர் நடத்தையை கிண்டல் செய்யும் வேலையை தி மு க ஆரம்பித்தது . விஜயகாந்த் ஒரு குடிகாரர் என பரப்ப ஆரம்பித்தது . அவர் தனது கட்சி நபர்களை கூட அடிப்பார் என காட்டியது .

இப்போ :

விஜயகாந்தை கை கழுவிய ஜெயா , அவர் கட்சி ஆட்களை தம் பக்கம்இழுத்துதான் அவரைஜெய்க்க நினைக்கிறார் .

கருணாநிதி தே மு தி க எங்களுடன் இணைந்தால் மகிழ்வோம் என்கிறார் . (இப்போ குடி பத்தி பேசுவதில்லை ) 

பா.ஜ . க விஜயகாந்தை இழுக்க முழு முயற்ச்சி செய்கிறது .

காங்கிரஸ் தன் பங்குக்கு அவரை சந்திக்க வாசனை அனுப்புகிறது .

இப்படி எல்லா கட்சிகளும் அவரையே மையம் கொண்டு வருகிறது .

ஆனால் குறை சொல்வது அவரை . இதில் விஜயகாந்த் மேல் என்ன தப்பு ?

ஊடகங்கள் :

விஜயகாந்த்பற்றி எழுதாத ஊடகங்களே இல்லை . ஆனால் அவரிடம் நியாயமான கேள்விகள் கேட்காமல் அவரை எப்படியாவது கோவபடுத்தி  பார்க்க தான் ஆசைபடுகிறது . கருணாநிதியிடம் அல்லது ஜெயாவிடம் கேள்வி கேட்க பம்முகின்ற இவர்கள் விஜயகாந்திடம் மடக்கி மடக்கி கேட்பார்கள் .

ஆனால் குறை சொல்வது அவரை . இதில் விஜயகாந்த் மேல் என்ன தப்பு ?

டெல்லி தேர்தல் :

டெல்லி தேர்தலில் விஜயகாந்த் போட்டியிட்டதை பலர் கிண்டல் செய்கின்றார்கள் . திருவள்ளுவர் கூட முயல் வேட்டையில் ஜெய்பதை விட யானை வேட்டையில் தோற்ப்பது நல்லது / பெருமை என்கிறார் . டெல்லியில் போட்டியிட இங்கு உள்ள எந்த கட்சிக்கும் தைரியம்  இல்லை . அப்படி போட்டியிட்டால் இதே நிலைதான் மற்றவர்களுக்கும் .

ஆனால் குறை சொல்வது அவரை . இதில் விஜயகாந்த் மேல் என்ன தப்பு ?

விஜயகாந்த் மாற்றி கொள்ள வேண்டிய விஷயங்கள் :

• கருணாநிதியை போல ஜெயாவை போல வார்த்தை விளையாட்டை கற்றுக்கொள்ளவேண்டும் .

• பொது இடத்தில் நடிக்க தெரிய வேண்டும் . நல்லவன் போல நடிப்பவர்களுக்குதான் நல்ல பெயர் கிடைக்கும் .

• கட்சி கரைவதை தடுக்க வேண்டும் .

• குடும்ப கட்சி என்ற பெயரை சரி செய்யவேண்டும் .

• பா. ஜ .க வுடன் இணைவதே இபோதைக்கு நல்லது .

• மக்கள் பிரச்சனைக்கு அடிகடி குரல்கொடுக்க வேண்டும் .

இவையனைத்தும் என் மன எண்ணங்கள் . உங்கள் கருத்தை சொல்லுங்கள் .