பாத்திரம் கழுவுவது எப்படி ? கிங்’ஸ் கிச்சன்

சென்னையின் வெண்ணை , வயதான சாரி வயது பெண்களின் கனவு கண்ணன் திடம்கொண்டு போராடும் “சீனு “ வெந்நீர் வைப்பது எப்படி என பதிவு போட , 

அது தப்பு என சுடுகாட்டு வேந்தன், அடுத்த அஜித் (என அவரது அல்லகைகளால் மட்டும் அழைக்கப்படும் ) “கோவை ஆவி “ எதிர்பதிவு போட , 

மதுரை மன்னன் , கருப்பு கண்ணன் , எல்லாபெண்களுக்கும் அண்ணன் (மாட்டிகிடிங்களா ??) தமிழ்வாசி “முட்டை அவிப்பதுஎப்படின்னு “ ஒரு பதிவு போட ,

இதைபடித்து மூளை (!!!) குழம்பி தொழிநுட்ப பதிவுமட்டும் போட்ட ஒரு ஆளு “டீ போடுவதுஎப்படின்னு “ பதிவு போட்டார். 

இலங்கையின் இதய துடிப்பு , பல்கலைகழக முதல் மாணவன் ( வீட்டுக்கு போவதில்), OUTSTANDING STUDENT ( எப்போதும் வெளியில் நிற்பதால் ) என நல்ல பெயர் பெற்ற ஹாரி “அடுப்பு பற்ற வைப்பது எப்படி “ எனும் அடிப்படை நிகழ்வை அருமையான (கர்மம் !!!) பதிவாக்கினார் . 

இவர்களாம் போடும்போது ஒரு” உலகமகா  பிரபல பதிவரகிய “ நீங்கள் ஒன்றும் போடவில்லையா என கேடி சாரி கோடிகணக்கான வாசகர்கள் கேட்டதால் இந்த பதிவு .

பாத்திரம் கழுவுவது எப்படி ?

வெந்நீர் போட்டாலும் , டீ போட்டாலும் , முட்டை அவிச்சாலும் கடைசியில் கண்டிப்பாக பாத்திரம் கழுவ வேண்டும் . பேச்சுலராக இருந்தாலும் , திருமண ஆனா ஆளாக இருந்தாலும் கண்டிப்பாக பாத்திரம் கழுவனும் (இல்லைனா சோறு கிடையாது ).

தேவையா பொருள்கள் :

அழுக்கான பாத்திரங்கள் , (இதுதான் ரொம்ப முக்கியம் )

விம் ,பிரில் , சபீனா அல்லது தேங்கா நாறு  

செய்முறை :

முதலில் ஆண்களாக இருந்தால் கைலியை மடித்துகட்டவும் .(பெண்களாக இருந்தால் என யாராது கேட்டிங்க உம்மாச்சி கண்ணா குத்தும் )

அழுக்கு இரண்டுவகைப்படும் ஒன்னு பவர் ஸ்டார் போல , இரண்டாவது சிவாஜி போல .அழுக்கான பாத்திரத்தை எடுக்கவும் . சில அழுக்கு உடனே போய்விடும் அது பவர் ஸ்டார் போல . சில அழுக்கு பாத்திரத்துடன் ரொம்ப ஒன்றிபோய்விடும் அது சிவாஜி போல .

பாத்திரத்தை அழுக்கு போகும் வரை நன்றாக தேய்க்கவும் . உங்களுக்கு பிடிக்காத ஒருவரை அல்லது உங்கள் மனைவி / கணவன் முதுக்குக்கு சோப்பு போடுவதாக நினைத்து கொள்ளவும் . அப்போதுதான் ரொம்ப வேகமாக அழுத்தி தேய்க்க முடியும் .

பாத்திரத்தை நன்றாக கழுவிய பின் வெய்யிலில் காயவைக்கலாம் , சீனு , ஆவி , தமிழ்வாசி வீட்டுக்கு அருகில் இருப்பவர்கள் பாத்திரத்தை உங்கள் வீட்டுக்குள்ளேயே காயவைப்பது நல்லது .

டிஸ்கி : இதை விட எளிய வழி ஒரு வேலைக்காரியை வைத்துகொள்வது .(பாத்திரம் கழுவ மட்டும் ). அவளால் குடும்பத்தில் பிரச்சனை வந்தால் சங்கம் பொறுப்பல்ல .

டிஸ்கி : அடுத்து தீவிரவாதி “வீடு கூட்டுவது எப்படி ?” என்றும் அரசன் “துணி துவைப்பது எப்படி என்றும் ?” வரலாற்று சுவடுகள் “ ஒட்டகம் மேய்ப்பது எப்படினும் “ பதிவு போடுவார்கள் .

இதையும் படிக்கலாமே ?

• அஜித் , விஜய் , ரஜினி ரசிகர்களை கேவலமாக பேசிய சீமான் 

• TOP 10 FACEBOOK STATUS

 

• இந்த வருடத்தின் சிறந்த நடிகர் யார் ? பிரமாண்டகருத்து கணிப்பு

Tweet