கதம்பம் 01/05/2012

மீண்டும் ஈழ நாடகம் :

தான் ஆட்சியில் இருக்கும் போது வராத , அப்பாவி தமிழர்கள் கொத்து கொத்தாக கொல்ல படும் போது வராத , தலைவர் பிரபாகரன் கொடூரமான முறையில் கொல்லபட்ட செய்தி கிடைக்கும் போதெல்லாம் வராத ஈழ பாசம் , கருணாநிதிக்கு இப்போது வந்துள்ளது. தனி ஈழம் வாங்க என் உடல் , பொருள் , ஆவி அனைத்தையும் தருவேன் என காமெடி செய்கின்றார் .

இலங்கை போரை நிறுத்தாவிட்டால் மத்திய அரசுக்கு அளிக்கும் ஆதரவை வாபஸ் பெறுவேன் என சொல்ல தைரியம் இல்லாமல் பதவிக்காக பத்து நிமிடம் உன்னாவிருத நாடகம் நடத்தி போரை நிறுத்திவிட்டேன் என சுய தம்பட்டம் அடித்து விட்டு தமிழர் படுகொலையை கண்டுகொள்ளாமல் விட்ட பாவம் உங்களை சும்மா விடாது .

அமைச்சர்கள் வேலை இதுதானா ?

புதுகோட்டை சட்டமன்ற  தொகுதி இடைதேர்தல் பணிக்காக 32  அமைச்சர்கள் அடங்கிய குழுவை ஜெயலலிதா அமைத்துள்ளார். (இவரையும் சேர்த்த தமிழக அமைசர்கள் எண்ணிக்கை 33) மக்களுக்கு பணிபுரிய இதுபோல ஏதாவது குழு அமைத்தால் நல்லது , அதைவிடுத்து தேர்தல் பணிக்கு அமைப்பது என்ன நியாயம் ? . எப்படி இருந்தாலும் ஆளும் கட்சிதான் ஜெயிக்கும் வீனா செலவு செய்றதுக்கு பதில் ஆளும்கட்சிதான் வெற்றி என அறிவித்து விடலாம் .

பிடித்த நக்கல் கவிதை

ஒரு மழைகால வேளை

ரயில் பெட்டிக்குள் ஜன்னலோரம் நான் ...

வெளியே நீ ..

நம் இருவர் கண்களும்

ஒன்றாக சந்தித்த அந்த வேளையில் தான்

நீ அந்த வார்த்தையை சொன்னாய்

அது .. அது ...

--

--

:”ஐயா .. சாமி .. தர்மம் பண்ணுங்க ..”

பிடித்த ஹைகூ

குழந்தையை

காப்பகத்தில்

விட்டனர் பெற்றோர்கள் ..

பெற்றோர்களை

முதியார் இல்லத்தில்

சேர்த்தான் மகன .

தெரியுமா ?

Register Number என்பதை சுருக்கமாக Reg. No . என்கின்றோம் , Register என்பதன் சுருக்கம் Reg, Number என்பதின் சுருக்கம் No. Number என்ற வார்த்தையில் “O” கிடையாதே அப்புறம் ஏன் “O “வருகின்றது ?

Number என்ற ஆங்கில வார்த்தை Numerio  என்ற லத்தின் சொல்லில் இருந்தது வந்தது அதனால் தான் அந்த வார்த்தையின் முதல் மற்றும் கடைசி எழுத்தை சேர்த்து No  என எழுதுகின்றோம் .

ரசித்த படம் :

அதிர்ச்சி :

கடந்த மூன்று நாட்களாக எண்கள் ஊரில் மின்தடை இல்லை

வாழ்த்துகள் :

 உழைப்பாளர்தின வாழ்த்துகள் 

 அல்டிமேட் ஸ்டார் அஜித்க்கு பிறந்தநாள் வாழ்த்துகள்

 இதையும் படிக்கலாமே :

அஜித் : தல போல வருமா ?

 

உங்களுக்கு குழந்தைகளை பிடிக்குமா ? அப்ப இது உங்களுக்கு தான்

 

உங்கள் குழந்தையை நல்லவனாக, வல்லவனாக, புத்திசாலியாக வளர்ப்பது எப்படி ?

 

Tweet