பிளாக்கர் வலைப்பூவை எளிதாக பேக்கப் செய்வது மீட்பது எப்படி?

இணைய உலகில் நமது கருத்துகளைப் பகிர்ந்து கொள்ள ஒரு தளமாக இருப்பது கூகிளின் பிளாக்கர் தளமாகும் (Blogger). இங்கே தான் எல்லோரும் அவர்களின் கருத்துகளை எழுதி வலைப்பூவில் வெளியிடுகின்றனர். இது ஒரு இலவச சேவையாகும். கணிணியின் தகவல்களைப் பாதுகாப்புக்கு பேக்கப் செய்வது போல பிளாக்கர் வலைப்பூவையும் பேக்கப் செய்து கொண்டால் எதாவது பிரச்சினையின் போதும் தவறுதலாக அழிந்து விடும் போதும் மீட்டுக் கொள்ள முடியும்.
நமது வலைப்பூவை அவ்வப்போது காப்புநகல் எடுத்து வைத்துக் கொள்வது ஆபத்தின் போது நன்மை பயக்கும். இதற்கு பிளாக்கர் தளத்தில் நுழைந்து Blogger Settings -> Basic என்ற மெனுவிற்குச் செல்லவும். அதில் Export Blog என்பதைக் கொடுத்தால் உங்கள் வலைப்பூவின் நிரல்வரிகள் கணிணியில் சேமிக்கப்படும்.

பேக்கப் செய்யப்பட்ட கோப்பிலிருந்து வலைப்பூவை எப்படி மீட்பது?
Blogger Settings-> Basic என்ற மெனுவில் சென்று Import Blog என்பதைக் கிளிக் செய்து நீங்கள் ஏற்கனவே சேமித்துள்ள கோப்பைத் தேர்வு செய்து Import என்ற பொத்தானைக் கிளிக் செய்யவும்.
இந்த நேரத்தில் “Automatically publish all imported posts” என்பது டிக் செய்யப்பட்டிருக்க வேண்டும். அப்போது தான் அனைத்து பதிவுகளும் மீட்கப்படும்.

இந்த எளிய வசதியினைப் பயன்படுத்தி பிளாக்கர் வலைப்பூவை சேமிக்க முடியும். மீட்டுக் கொள்ள முடியும். மேலும் ஒவ்வொரு பதிவின் வகைகளும் கருத்துரைகளும் சேர்ந்தே மீட்கப்படும் என்பதால் இது பிளாக்கர் பயன்படுத்துவோருக்கு சிறப்பான வசதியாகும்.

Thanks: Vanakkamnet

Tweet